Libros de la editorial: GALAXIA, EDITORIAL

Miña casiña, meu lar

A loita pola supervivencia dos máis necesitados, a avaricia dos podentes, e malia todo a alegría por vivir e superar todas as adversidades da muller protagonista cociñando un humilde caldo de gloria e un bolo de pote. Todo isto está no reivindicativo poema de Rosalía de Castro que Blanca Millán ilustra neste libro, con mestría.

Rosalía de Castro vista por Manuel Murguía

Nos días encantados de agosto "Unha biografía de José Gil. Para unha historia do cinema en lingua galega"

"Nos días encantados de agosto" é unha viaxe apaixonada na procura do ronsel esquecido do iconauta José Gil, o auténtico precursor do cinema galego, quen filmou Galicia todos os agostos entre 1910 e 1934. O seu labor pioneiro pode explicar o devalar de fitos fundacionais da nosa cinematografía: os comezos do pictorialismo, o reporteirismo fotográfico, o nacemento do cine ficcional e documental en Galicia, ...

Atlas

Velaquí este poemario de Alba Cid, unha poeta chamada a ocupar un lugar de seu na poesía galega próxima. Recoñecida dende moi nova en moitos certames poéticos, publica agora Atlas, un texto singular en que a palabra e a imaxe viaxan da man canda a ollada asombrada da poeta. Etimoloxías, historias naturais, prácticas culturais diversas Os poemas e as fotografías fan calas nos cinco ...

A agonía das folerpas

A aldea de Salgueiro leva décadas abandonada. A súa propietaria, a Xunta de Galicia, decide convertela nun complexo turístico. En pleno Parque Natural do Xurés, e afastada de todo, é o enclave ideal para descansar. Ou para que un asasino en serie enterre as súas vítimas. Unha noviña xornalista chega por casualidade ao lugar. O que en principio é un achado arqueolóxico, convértese nun ...

As malas mulleres

A través das páxinas de "As malas mulleres", asistimos a unha dura e apaixonante viaxe polo tramo final do século XIX, nunha historia a varias voces, a de Sisca, de 15 anos, presa por non seren as mulleres donas do seu corpo; as de mulleres como Concepción Arenal, visitadora de prisións; e Juana de Vega, cruciais para entendermos a nosa historia e as do ...

A muller de ferro

"A muller de ferro", obra publicada en 1969, conforma un conxunto de relatos que teñen como escenario e protagonista o mundo rural galego, aínda que observado lonxe de calquera idealización ou tentación nostálxica, e presentado con perspectiva crítica e de superación de atrasos e eivas históricas. A violencia, os prexuízos e a miseria están presentes nun mundo para o que Neira Vilas reclama conciencia ...

No día do seu enterro

A raíz da inesperada morte do seu pai, as irmás Raposo comezan unha viaxe vital que as leva a descubrir as múltiples realidades da cidade de Ourense en que se movía o seu pai. "No día do seu enterro" é unha novela sobre o poder da palabra, sobre a nobreza dos invisibles e sobre as verdades non contadas. Unha conmovedora historia sobre o que ...

A vida secreta de Úrsula Bas

Dun día para outro, e sen que se saiba o motivo, desaparece unha escritora de sona. O seu home pon unha denuncia na comisaría de Compostela á que, logo dunha baixa prolongada, se acaba de reincorporar Santi Abad. Tras a resolución do 'caso Alén', o asasinato que pouco máis dun ano antes fixera abalar os alicerces do mundo da arte e da sociedade galega, ...

O gran triángulo "Dous franceses e un galego nas illas Pitiusas"

Entre 1806 e 1808, o matemático e astrónomo, Xosé Rodríguez González (Bermes, Lalín, 1770 -- Santiago de Compostela, 1824), xunto cos franceses Jean-Baptiste Biot e François Arago, percorreron as illas Pitiusas nunha expedición científica que serviría para definir o metro como sistema universal de medida. Os seus traballos e aventuras constitúen un relato histórico do máximo interese para poñer en valor a importancia deste ...

Xente ao lonxe "(Edición restaurada)"

Velaquí unha das grandes novelas corais da literatura galega. A presente edición é o resultado dunha investigación de Xosé Manuel Dasilva, na que recontrúe definitivamente a versión orixinal que se sometará á censura na década de 1970. Corenta e dous anos depois o primerio texto rexorde restaurado; mosaico espectacular de voces, situacións e historias nas que se recrean os grandes cambios sociais de Galicia ...

Algúns contos completos

«Este libro de contos pretende celebrar a vida e a amizade nun encontro, como nas nosas reunións de amigos, entre os meus pequenos relatos e os marabillosos linogravados de Carlos Baonza.»

Vento ferido

O libro que marca a incorporación de Carlos Casares á literatura galega. A obra literaria de Carlos Casares é unha das máis interesantes da literatura galega do século XX, e iníciase en 1967 con "Vento ferido". Nestes doce relatos marcados pola violencia, a soidade e o fatalismo, abrolla a mirada, xa orixinal, tinxida pola necesidade de comprensión e o impulso solidario, do autor. Narrativa ...

Cantares gallegos

A importancia literaria mais tamén simbólica deste poemario bótase de ver no feito de que a data da súa publicación, o 17 de maio, fose instaurada pola Real Academia Galega como Día das Letras Galegas. A obra da poeta inclúe outro dos poemarios máis sobranceiros da literatura galega, "Follas novas" (1880), e "En las orillas del Sar", escrito en castelán, lingua na que tamén ...

Virtudes (e misterios)

Contar a emigración desde a parte dos retornados. Velaí o obxectivo que se propuxo Xesús Fraga ao encetar esta novela que é, sobre todo, o relato dunha epopea como a que protagonizaron tantas mulleres galegas que, levadas pola adversidade, rematan percorrendo o mundo á procura dun futuro mellor. Xesús Fraga constrúe unha historia que se centra nas vicisitudes dunha familia das Mariñas coruñesas marcada ...

O estado intermedio

Ao tempo, a alma do finado iniciará, como a de Dante, unha viaxe aos infernos, onde vai ter que pelexar, á súa vez, coa propia memoria. Texto de imaxes luminosas, demóstranos a forza narrativa dunha das escritoras máis singulares da nosa literatura, capaz de crear, como fai nesta novela, un universo absoluto a partir dunha palabra que, máxica, sobrenatural, creadora, nos fai viaxar coa ...

O último barco "(Inspector Leo Caldas - 3)"

A filla do doutor Andrade vive nunha casa pintada de azul, nun lugar onde as praias de ondas mansas contrastan co bulir da outra beira. Alí, as mariscadoras pescudan na area, os mariñeiros botan os aparellos á auga e os que van traballar á cidade agardan no peirao a chegada do barco que cruza cada media hora a ría de Vigo. Unha mañá de ...

Sobre a lingua galega de Rosalía de Castro

Esta memoria foi lida en decembro de 1986 e valorada coa máxima cualificación. Inédito este libro durante case corenta anos, aínda hoxe -como di o prologuita destaprimeira edición- "mantén toda a vixencia e non foi superado por ningún estudo posterior". Son palabras do profesor Antón Santamarina, sabio e ponderado filólogo. Estamos convencidos de que os investigadores e profesores de Lingua e Literatura galegas atoparán ...

Merlín e familia "I outras historias"

Publicada en 1955, esta é a novela coa que Cunqueiro comezou a súa obra narrativa logo de escribir varios libros de poemas. A historia dun Merlín xa vello e refuxiado nas terras da Miranda luguesa chega ao lector a través do relato dunha testemuña directa, o paxe Felipe de Amancia, que lembra os tempos nos que traballou como criado do mago. A historia desenvólvese ...

O libro da filla

Un gran thiller político, intimista, sentimental e social. Helena Sánchez é unha prestixiosa xornalista que acepta investigar o caso de Fernando, un condenado por agresión sexual á súa filla que sostén ser vítima dun complot argallado pola súa ex-muller e que desexa lavar a súa imaxe a través desa reportaxe. No proceso, sairán á luz historias ocultas que quizais é mellor non saber, movendo, ...